വീഴ്ച്ച
തരമായില്ലിക്കാലമൊന്നും
ചിട്ടയായെണ്ണി തിട്ടമാക്കാൻ
കണക്കിൻറെ കള്ളികളിലെന്നും
അക്കങ്ങൾ കാൽ തെറ്റി വീണു.
ചിട്ടയായെണ്ണി തിട്ടമാക്കാൻ
കണക്കിൻറെ കള്ളികളിലെന്നും
അക്കങ്ങൾ കാൽ തെറ്റി വീണു.
വീണു വീണു തപ്പിപ്പിടഞ്ഞ്
നടന്നു പഠിച്ചു
വീണിടം വിദ്യയാക്കി
കിടന്നുരുണ്ടു പഠിച്ചു
വീണിടം വിഷ്ണുലോകമെന്ന്
നിർത്താതെ ചൊല്ലി പഠിച്ചു.
എന്നിട്ടുമോരോ വീഴ്ച്ചയിലും
അടിതെറ്റി വീണു വീണ്ടും
വീഴ്ചയിൽ നിന്നു പഠിച്ചില്ല
നന്നായൊന്ന് വീഴാൻ പോലും.
അതുകൊണ്ടിനി വീണു കിടക്കാം
ഉയിർപ്പിനൊരു കാലം കാത്ത്.